-  Gopal Tiwari   December 7, 2018  

क्रिकेट खेलाडी जीवनबाट बाहिरिँदै शक्ति गौचन

लामो समयसम्म क्रिकेट मैदानमा चम्किएका क्रिकेटर शक्ति गौचन अब भने खेलाडी जीवनबाट बाहिरिने भएका छन् ।
सन् २००१ मा बंगलादेशमा भएको एसीसी यू–१७ एसिया कपदेखि अन्तर्र्रािष्ट्रय क्रिकेट सुरु गरेका शक्तिले २००२ मा सिंगापुरमा एसीसी ट्रफीबाट राष्ट्रिय टोलीमा ‘डेब्यू’ गरेका थिए । अलराउन्डर खेलाडीका रूपमा पहिचालन बनाएका उनले आफ्नो खेलजीवनमा १ हजार रन बनाउने पहिलो खेलाडी बनेका छन् ।


३४ वर्षीय यी भेट्रान क्रिकेटरले अब भने यही शनिबार मंसिर २२ बाट हुने टीभीएस एभरेस्ट प्रिमियर लिग (ईपीएल) पछि संन्यास लिने बताए । इपीएलमा पोखरा राइनोजका मार्की खेलाडी शक्तिले यसैलाई जीवनको अन्तिम प्रतियोगिता हुने बताएका छन् । खेलाडी जीवनबाट बाहिरिले पनि उनले पूर्णरूपमा क्रिकेट विकासमा लाग्ने प्रतिबद्धता भने जनाएका छन् ।
वान–डे अन्तर्राष्ट्रिय खेलबाट शक्तिले जुलाईमा नेदरल्यान्ड्सबाट आफ्नो खेलजीवन टुंग्याइसकेका छन् । नेपालमा हुने अन्तर्र्रािष्ट्रय खेलबाटै पूर्णरूपमा संन्यास लिने उनको चाहना भए पनि नेपाल क्रिकेट संघ (क्यान) निलम्बनका कारण त्यो सम्भव नभएपछि ईपीएललाई आफ्नो अन्तिम प्रमुख प्रतियोगिता बनाउन लागेको उनले जनाए ।
पछिल्लो समय भने उनले राष्ट्रिय टोली र फ्रेन्चाइज क्रिकेटमा कम मौका पाउँदै आएका थिए । आफ्नो संन्यासबारे प्रस्टाउँदै शक्तिले भनेका छन्, ‘लगभग खेल जीवनबाट संन्यासको सोच बनाइसकेको छु । फ्रेन्चाइजी क्रिकेट यो मेरो अन्तिम हुन्छ ।
तर उनी खेलबाट बाहिर भने हुने छैनन् । उनी क्रिकेट विकासकै लागि लाग्ने बताउँदै आएका छन् । खेल जीवनपछि आफू सधैं क्रिकेटमै रहने यसअघि देखि उनले बारम्बार बताउँदै आएका थिए । र, उनी मुलुक र क्रिकेटका लागि लागिरहने छन् ।

(Visited 1,214 times, 1 visits today)

सम्बन्धित समाचारहरू

शनिबारदेखि ईपीएल क्रिकेट कीर्तिपुर मैदानमा
क्रिकेट खेलाडी जीवनबाट बाहिरिँदै शक्ति गौचन
क्रिकेटर सन्दीपलाई पूर्ण छात्रवृत्ति
मेलबर्नको नेपाल फेष्टिभल परेडमा सन्दिप लामिछाने पनि सहभागी बन्दै !
चम्किँदै क्रिकेटर सन्दीप, आईपीएल सहभागितासँगै एकपछि अर्को सफलता
२०१९ मा हुने महिला विश्वकप फुटबल प्रतियोगिताका लागि अहिले नै लाखौँ टिकट बिक्री
पीपीएल उपाधि पोखरा पल्टनलाई
सिड्नीमा जीएनसी कप फुटबल सुरु, २० वर्षको ईतिहासलाई डो-याउँदै २१ फुटबल क्लब
नेपाली फुटबलर सुलभ मास्केको गोल अष्ट्रेलियामा वर्षकै सर्वोत्कृष्ट गोल बन्न सफल
एडिलेडमा नेपाली माझ टेनिसको लोकप्रियता बढ्दै
English