-  Gopal Tiwari   December 3, 2018  

मेलम्चीको पानी ६० भित्र काठमाडौंमा झर्ने

दशैंको उपहार भनिएको पानी अझै नआउँदा सांसदहरुको दुःख मनाइ

लामो समयदेखि खानेपानीको पर्खामा रहेको काठमाडौंमा आगामी ६० दिनभित्र मेलम्चीको पानी उपभोक्ताको धाराबाट झर्ने भएको छ ।


संसदको विकास तथा प्रविधि समिति बैठकमा सांसदहरुले मेलम्चीको पानी काठमाडौंमा कहिले आउँछ ? भन्ने प्रश्नको उत्तरमा खानेपानी मन्त्रालयका सचिव गजेन्द्र ठाकुरले ६० दिनभित्र काठमाडौं आइपुग्ने दाबी गरेका हुन् ।
समितिको आइतबारको बैठकमा सचिव ठाकुरले ६० दिनमा मेलम्चीको पानी काठमाडौंका उपभोक्ताको धारामा झर्ने ठोकुवा गरेका छन् । उनले भनेका थिए, म ठोकुवा गर्छु ६० दिनभित्रै मेलम्चीको सबै काम सकिन्छ ।
विगतमा कर्मचारीले काममा ढिला गरेकाले समयमै मेलम्चीको पानी आउन सकेन । यसअघि मन्त्री विना मगरले दशैंअघि नै पानी आउँछ भनेकामा पनि सचिव ठाकुरले माफी मागे । ‘मन्त्रीज्यूले भनेको विषयमा माफी माग्छु’, ठाकुर भने, ‘हामीलाई विश्वास गर्नुस् २ महिनामा प्राविधिक काम सकेर पानी हाल्छौं ।’
निर्माणको काम सकिएपछि पानी जम्मा हुन ३ दिन लाग्ने भन्दै त्यसपछि काठमाडौंका धारामा पानी झर्ने उनले बताए ।
किटान गर्न सांसदहरुको माग
यसअघि समिति बैठकमा सांसदहरुले दशैंअघि आउँछ भनेको मेलम्चीको पानी कहिले आउँछ भनेर मन्त्रालयका जिम्मेवारी व्यक्तिको जवाफ मागेका थिए ।
सांसदहरुको जिज्ञासामा मेलम्ची आयोजनाका कार्यकारी निर्देशक सूर्यराज कँडेलले २ महिनामा सबै काम सकिने जानकारी दिएका थिए । उनको प्रस्ट्याइँमा सांसदहरुले विश्वास मान्न सकेनन् । र, सोधे, दुई महिनामै मेलम्चीको पानी आउने आधार के हो ?
पूर्व प्रधानमन्त्री झलनाथ खनालले अबको दुई महिनामा पानी आउँछ भन्न सकिने अवस्था नरहेको बताए । आउँदो मार्चसम्म पानी आउँछ भन्ने आधार उनले खोजे । उक्त बैठकमा विभागीय मन्त्री विना मगर बोलाए पनि आएकी थिइनन् । मन्त्रीको अनुपस्थितिमा पूर्वप्रधानमन्त्री खनालसहितका सांसदले रोष प्रकट गरेका थिए ।

(Visited 962 times, 1 visits today)

सम्बन्धित समाचारहरू

कार्यदल गठन गर्दै अन्तर प्रदेश परिषद् बैठक सकियो
खेतीयोग्य जमिन बाँझो राखे कारबाही
अन्तर प्रदेश बैठकमा मुख्यमन्त्रीहरुको ब्रिफिङ
डाक्टरहरु नै यति धेरै फेल भएपछि…
मिस वर्ल्ड –२०१८ को टप १२ सम्म पुगिन श्रृंखला, दुई उपाधि हातमा
योगदानमा आधारित सामाजिक सुरक्षा कोषमा १९४ सूचीकृत
राजदूत खाली देशले मंसिर अन्तिमतिरमात्रै पाउने
प्रधानमन्त्री ओलीविरुद्ध काठमाडौं प्रहरीमा जाहेरी
‘अपाङ्गता भएका व्यक्तिलाई अवसरमा समान पहुँच हुनुपर्छ’
मेलम्चीको पानी ६० भित्र काठमाडौंमा झर्ने
English