-  Gopal Tiwari   November 24, 2018  

निर्मला पन्त हत्याकाण्ड, धर्नामा बसेका बुबा यज्ञराजलाई डिप्रेसन

 

बलात्कारपछि हत्या गरिएकी छोरीको हत्यारामाथि कारबाही माग गर्दै धर्नामा बसेका निर्मला पन्तका बुबा यज्ञराज पन्तमा डिप्रेसनको समस्या देखिएको छ । उनी शारीरिक रुपमा निकै कमजोर हुँदै गएका छन् । १३ दिनदेखि धर्नारत पन्त केही दिनदेखि डिप्रेसनको शिकार भएको चिकित्सकले शंका गरेका छन् ।


जिल्ला प्रशासन कार्यालय अगाडि धर्नारत पन्त बेलाबेलामा बरबराउने, रुने, गालीगलौज गरिरहन्छन् । ‘कि मलाई गोली हानेर मार, नत्र बन्दुक खोसेर हान्छु’ जस्ता अकल्पनीय शब्द बोल्न थालेको उनका आफन्तले बताए ।
पन्तको स्वास्थ्य अवस्था निकै कमजोर देखिएको निमित्त प्रजिअ शंकरबहादुर विष्टले जानकारी दिए । विष्टका अनुसार थप उपचारका लागि काठमाडौं लानुपर्ने अवस्था देखिए पनि परिवारका सदस्यले स्वीकृति दिइसकेका छैनन् । परिवार र आफन्तको स्वीकृतिपछि काठमाडांै लगेर उपचार गराउने उनले बताए । पन्त परिवारको स्वास्थ्य अवस्थाबारे जानकारी लिन र सामान्य समस्याको उपचार गर्न चिकित्सक टोली धर्नास्थलमै छन् ।
साथीको घर होमवर्क गर्न १० साउनमा गएकी १३ वर्षीया निर्मला पन्तको बलात्कारपछि हत्या गरिएको अवस्थामा शव भेटिएको थियो । बलात्कारपछि हत्याजस्तो संवेदनशील घटनामा चरम लापरवाही गरेको अभियोगमा तत्कालीन एसपी र इन्स्पेक्टर बर्खास्त भइसकेका छन् । तर, हत्यारा अझै पत्ता लागेको छैन ।

(Visited 684 times, 1 visits today)

सम्बन्धित समाचारहरू

जन्ती बनेर आदित्यनाथ जनकपुर आउँदै
कार्यदल गठन गर्दै अन्तर प्रदेश परिषद् बैठक सकियो
अन्तर प्रदेश बैठकमा मुख्यमन्त्रीहरुको ब्रिफिङ
डाक्टरहरु नै यति धेरै फेल भएपछि…
निर्मलालाई न्याय माग्दै अष्ट्रेलियाको ब्रिसबेनमा दीप प्रज्वलन गरिँदै
महिलाविरुद्धको हिंसाको विरोधमा १६ दिने सचेतना अभियान चलाउँदै दिदीबहिनी समाज भिक्टोरिया
मिस वर्ल्ड –२०१८ को टप १२ सम्म पुगिन श्रृंखला, दुई उपाधि हातमा
नेकपाका ४ वरिष्ठ नेताले बहिस्कार गरे सचिवालय बैठक
योगदानमा आधारित सामाजिक सुरक्षा कोषमा १९४ सूचीकृत
शनिबारदेखि ईपीएल क्रिकेट कीर्तिपुर मैदानमा
English