-  MNTV Australia   November 12, 2018  

गरिवि निवारणका लागि चीनको मोडल पछ्याउँदै पाकिस्तान

पाकिस्तानले गरिबी निवारणका लागि चिनियाँ नमूनालाई आधार बनाउने प्रधानमन्त्री इमरान खानले बताउनुभएको स्थानीय सञ्चारमाध्यमले शनिबार जनाएका छन् ।
पाकिस्तानको पूर्वी शहर लाहोरमा सरकारी आवास गृहको उद्घाटन समारोहमा प्रधानमन्त्रीले भन्नुभयो, “चीनले विगत तीन दशकमा ७० करोड नागरिकलाई गरिबीबाट माथि उठाएको छ । यो विश्वकै इतिहासमा एक अभूतपूर्व सफलताको नमूना हो । पाकिस्तानले यसबाट पाठ लिएर अघि बढ्नेछ ।”
यसै महिना चीनको औपचारिक भ्रमण गरेका खानले भन्नुभयो, सरकारले चिनियाँ पक्षसँग गरिबी निवारणका लागि बृहद् रणनीतिक सल्लाहका लागि कुराकानी अघि बढाइसकेको छ ।
पाकिस्तानी प्रधानमन्त्रीले भन्नुभयो, “मेरो सरकारले छिट्टै गरिबी निवारणको प्याकेजलाई पाकिस्तानको इतिहासमा नै पहिलो पटक ल्याउँदै छ । यसबाट गरिबीको रेखामुनि रहेका पाकिस्तानीलाई केही राहत मिल्ने विश्वास हामीलाई छ ।” उहाँले थप्नुभयो, “यस उद्देश्यका लागि श्रृङ्खलावद्ध सहायक पहलहरू हुनेछन् ।”
इस्लामिक मुलुक पाकिस्तानले गरिबी निवारणको लक्ष्यलाई अघि बढाउन पहल तथा फरक फरक पहललाई निरन्तरता दिनुपर्ने उहाँले बताउनुभयो ।
पाकिस्तानको आथिएक सर्वेक्षण २०१८ ले बीस करोड ७० लाख जम्मा जनसङ्ख्यामा २४ प्रतिशत जनता गरिबीको रेखामुनि रहेको देखाएको छ । गरिबी, भोकमरी र बेरोजगारको समस्याले पाकिस्तानको जनसङ्ख्याको ठूलो हिस्सालाई प्रभावित गरेको छ ।
पाकिस्तानी प्रधानमन्त्रीले घरबिहीन नागरिकका लागि आवास गृह बनाइदिने घोषणा पनि गर्नुभएको छ । उनीहरूलाई आवास, खाना र स्वास्थ्यजस्ता आधारभूत सेवाको प्रबन्ध सरकारले गर्ने योजना वर्तमान् सरकारको रहेको छ ।

(Visited 948 times, 1 visits today)

सम्बन्धित समाचारहरू

अफगानिस्तानमा तीन अमेरिकी सैनिक र २६ लडाकु मारिए
माइकल ब्लुमबर्गले जोन्स हप्किन्स विश्वविद्यालयलाई एक अर्ब ८० करोड अमेरिकी डलर दान दिए
जमाल खग्गोशीको हत्याको रेकर्डिंग सुन्ने नसक्ने भएको ट्रम्पको भनाई
गरिवि निवारणका लागि चीनको मोडल पछ्याउँदै पाकिस्तान
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
क्यालिफोर्नियामा रात्रिक्लवमा गोली प्रहार, १२ जनाको मृत्यु
नेपाली मूलका भण्डारी अमेरिकाको मेरिल्याण्ड राज्य संसदमा विजयी
अमेरिकी चुनावको नयाँ पाटो, हस्तक्षेप गर्ने प्रयासमा रहेका १ सय १५ फेसबुक एकाउन्ट बन्द
इटालीको सिसिली शहरमा आँधीका कारण मर्नेको संख्या ३० पुग्यो
चीन र अमेरिकाको ब्यापार युद्ध, चीनको पैसा कमजोर बन्दा अर्थतन्त्रमा तरंग
English