Categories

गम्भीर आरोप वरिष्ठ कलाकार सन्तोष पन्तमाथि यौन दुव्र्यवहारको आरोप, महिला सुरक्षा गार्डबाट प्रहरीमा उजुरी

santosh_pantवरिष्ठ कलाकार सन्तोष पन्तमाथि यौन दुव्र्यवहारको आरोप लागेको छ । सुनसरीको धरानस्थित बीपी कोइराला स्वास्थ्य विज्ञान प्रतिष्ठानकी एक महिला सुरक्षा गार्डले वरिष्ठ कलाकार पन्तले आफूमाथि यौन दुव्र्यवहार गरेको भन्दै प्रहरीमा उजूरी दिएकी छन् ।

केटिएम सेक्युरिटी सर्भिसमा कार्यरत २४ वर्षीया महिलाले केटिएम सेक्यूरीटिका अध्यक्ष रामेश्वर साह र कलाकार पन्तले यौन दुर्व्यवहार गरेको भन्दै उजुरी दिएकी हुन् ।

शुक्रबार मध्यरातमा प्रतिष्ठानको  गल्र्स होस्टेल प्रवेशद्वारमा सुरक्षाका लागि उभिइरहेको बेला आफूलाई पन्तले संवेदनशील अंगमा हात लगेको र व्यक्तिगत जीवनसँग सम्बन्धित प्रश्न सोधेको आरोप ती महिलाले लगाएकी हुन् । कलाकार पन्त केटिएम सेक्युरिटी सर्भिसका ब्राण्ड एम्बेसडर हुन् ।

कलाकार पन्तले सुरक्षा गार्ड महिलामाथि दुव्र्यवहार गर्दा केटीएमका सञ्चालक अध्यक्ष रामेश्वर साह, निरीक्षक विष्णु कोइराला, हेडगार्ड राजेन्द्र तामाङलगायत पाँच जनाको समूह महिला होस्टलमा पुगेका थिए । प्रतिष्ठानको महिला होस्टलमा बेलुका ११ बजेपछि जोसुकै आए पनि प्रवेश निषेध गरिएको छ । तर, केटिएमकै अध्यक्ष साहले ‘हामी आएपछि केको नियम चाहिन्छ, महिला होस्टलको गेट खोल’ भनेर हप्काएपछि गेट खोल्नु बाध्य भएको पीडित महिलाले बताएकी छन् ।

साहले पनि आफूलाई श्रीमान् भए नभएको, छोराछोरी भए नभएको, केटिएममा काम गरेपछि र अगाडिको शारीरिक तौल र नाप के कति घटबड भएको भनेर सोधेको पीडित महिलाले बताइन् ।

साहले नीजि प्रश्न सोधेर हैरान बनाए लगत्तै पन्तले यौन दुव्र्यहार गरेको पीडित महिलाले बताइन् । केटीएम सेक्युरीटि सर्भिसमा १२ महिला सुरक्षाकर्मी कार्यरत छन् ।

स्रोतका अनुसार प्रतिष्ठानमा शुक्रबार राति अबेरसम्म पार्टी चलेको थियो । पार्टीमा सुनसरीका प्रजिअ, प्रतिष्ठानका पदाधिकारीसमेत सामेल थिए । पार्टीमा अत्यधिक मदिरा सेवन गरेका शाह र पन्त भने राति नै डिउटी चेक गर्न भन्दै निस्किएका थिए ।

बीपी प्रतिष्ठानका एक पदाधिकारीले भने साँझ पार्टी भएको स्वीकार गरे पनि घटनाबारे जानकारी नआएको बताए ।
प्रहरीले उजुरीको आधारमा आरोपित पक्षलाई पक्राउ गरी अनुसन्धान गर्ने बताएको छ ।

(Visited 495 times, 1 visits today)
यो साझेदारी गर्नुहोस्:
  • Shamser Thapa

    Reporters must use the caution when spreading such a sensitive news. It was just an allegation made by a person or a complaint. Mr Panta has not been charged as yet by the authorities. Editor should understand the universal principle “presumption of innocence until proven guilty”. It could be a conspiracy against Mr Shah and Panta because the allegation has been published by every media outlet everywhere. It appears that no media has made any attempt to publish Mr Pant’s version of incident, which is against the norms of fair journalism. To say the least, no natural justice was offered to him. Mr Shah and Pant should file defamation case against the publishers.

    • CRIS

      AUSTRALIAN LAWYER

http://rgit.edu.au/