सरकारले सोमबार प्रदेश प्रमुख तोक्ने, अस्थायी राजधानी भने थाँती राख्ने तयारी

सरकारले प्रदेशको अस्थायी राजधानी नतोक्ने भएको छ । प्रदेश राजधानीको माग गर्दै देशका विभिन्न ठाउँमा आन्दोलन चर्कन थालेपछि सरकारले अस्थायी राजधानी तोक्ने गृहकार्य तत्काललाई थाती राखेको हो । अब बस्ने मन्त्रिपरिषद बैठकले प्रदेश प्रमुख मात्र नियुक्त गर्ने तयारी गरेको छ । प्रदेश राजधानी माग्दै देशभर आन्दोलन चर्केकोे र एमाले–माओवादीले त्यस विषयमा सुझाब समेत दिन नचाहेपछि अस्थायी राजधानी नतोक्ने निष्कर्षमा सरकार पुगेको कानुनमन्त्री यज्ञ बहादुर थापाले बताए । सोमबार बस्ने मन्त्रिपरिषद बैठकले प्रदेश प्रमुख मात्रै नियुक्त गर्ने उनले बताए ।
वाणिज्यमन्त्री मीनबहादुर विश्वकर्माले सरकार अस्थायी राजधानी तोकेर विवादमा पर्न नचाहेको बताए । ‘अत्यावश्यक भएकाले सोमबार प्रदेश प्रमुख तोकिन्छ, तर अस्थायी राजधानी तोक्ने पक्षमा सरकार छैन,’ उनले भने । प्रदेश प्रमुखका लागि अस्थायी कार्यालय व्यवस्थापन भने गरिने उनले बताए । मन्त्री विश्वकर्माका अनुसार सरकारले सातवटै प्रदेश प्रमुखहरूको अस्थायी कार्यालय काठमाडौंमै राख्ने तयारी गरेको छ । प्रदेश सभा सदस्यहरूले काठमाडौंमै शपथ ग्रहण गर्नेछन् । त्यसपछि बस्ने प्रदेश सभा आफैँले प्रदेशको राजधानी तोक्ने उनले बताए ।

(Visited 511 times, 1 visits today)

सम्बन्धित समाचारहरू

बाह्र राशी मकर मेलामा प्रधानमन्त्री देउवा, राष्ट्रियसभाको चुनावपछि सरकारबाट बाहिरिने स्पष्टीकरण
पूर्वसांसदहरुलाई करोडौं बाँड्ने प्रयास असफल, सर्वोच्चले लगायो अंकुश !
बारले गर्यो गोविन्दराज डा. गोविन्द केसीलाई अनसन तोड्न आग्रह, पराजुलीको बचाउ
राष्ट्रपति र प्रधानमन्त्रीद्वारा पृथ्वीनारायण शाहको शालिकमा माल्यार्पण, मनाइयो राष्ट्रिय एकता दिवस
डाक्टर गोविन्द केसी धरौटीमा रिहा, प्रधान्यायाधीशको नागरिकता र शैक्षिक योग्यताको छानविन हुने
चौध बुँदामा सर्वोच्च अदालतमा डा गोविन्द केसीको बयान, बुधबारबाट सुनवाई
नारायणी नदीमा नेपालकै पहिलो अत्याधुनिक प्रविधिको ‘सिग्नेचर ब्रिज’ बन्ने
डाक्टर गोविन्द केसी पक्राउ, गृहमन्त्री समेत रहेका प्रधानमन्त्री देउवाले भने मलाई थाहा नदिने ?
डा केसीलाई पक्राउ गरी अदालतमा पेश गर्न सर्वोच्चको आदेश, अब के होला ?
प्रधानन्यायाधीशलाई बर्खास्त गर्नुपर्ने माग गर्दै डाक्टर गोविन्द केसी आमरण अनसनमा