वैद्य र चन्द नेतृत्वको माओवादीले एकता गर्ने, जनयुद्ध दिवस सँगै मनाउने

मोहन वैद्य नेतृत्वको नेकपा९क्रान्तिकारी माओवादी र नेत्रविक्रम चन्द नेतृत्वको नेपाल कम्युनिष्ट पार्टीले पार्टी एकता अगाडि बढेको जनाएका छन् । महासचिवद्वय वैद्य र चन्दले आज संयुक्तरुपमा जारी गरेको विज्ञप्तिमा दुवै पार्टीका शीर्ष नेताहरु सम्मिलित बैठकले तत्काल कार्यगत एकताको पहल गरी संयुक्त संघर्षलाई अगाडि बढाउने निर्णय गरेको उल्लेख छ । राष्ट्रिय स्वाधीनता, जनतन्त्र र जनजीविकाका साझा समस्यालाई लिएर पहिल्यैदेखि सञ्चालन गरिँदै आएको संघर्षका कार्यक्रमलाई थप व्यवस्थित गर्नका लागि वामपन्थी, प्रगतिशील, देशभक्त शक्तिसित आवश्यक समझदारी बनाई संयुक्त मोर्चा निर्माणका निम्ति शीघ्र पहल गर्ने निष्कर्ष निकालिएको विज्ञप्तिमा जनाइएको छ । विज्ञप्तिमा राष्ट्रिय स्वाधीनता, जनतान्त्रिक अधिकार र सामाजिक, राजनीतिक तथा आर्थिक क्षेत्रमा आमूल परिवर्तन गर्नका लागि क्रान्तिकारी कम्युनिष्टको एकता अनिवार्य आवश्यकता बन्न पुगेको भन्दै यो प्रक्रियालाई अगाडि बढाउन छिट्टै आवश्यक पहल गर्ने निर्णय गरिएको उल्लेख छ । दुवै पार्टी र क्रान्तिकारी धु्रवीकरण एवं एकताको प्रक्रियामा सहभागी हुने क्रान्तिकारी शक्तिले आगामी फागुन १ गते जनयुद्ध दिवस तथा फागुन १४ देखि २१ गतेसम्म शहीद सप्ताहलाई केन्द्र र जिल्लामा संयुक्तरुपमा मनाउने निर्णय गरिएको विज्ञप्तिमा छ ।

(Visited 889 times, 1 visits today)

सम्बन्धित समाचारहरू

अधिवेशनसम्म ओली नेतृत्वमा सरकार, दुबै अध्यक्ष रहने प्रचण्डको भनाई !
एमालेका वरिष्ठ नेता माधव नेपालले भने पार्टी एकीकरण एक साताभित्र
एकता संयोजन समितिको बैठकको पूर्वसन्ध्यामा प्रधानमन्त्री ओली र माओवादी केन्द्रका अध्यक्ष दाहालबीच भेटवार्ता
वैद्य र चन्द नेतृत्वको माओवादीले एकता गर्ने, जनयुद्ध दिवस सँगै मनाउने
महाधिवेशन सुनिश्चितताको माग गर्दै नेविसंघको काठमाडौंमा प्रदर्शन !
माओवादी केन्द्रका अध्यक्ष प्रचण्डसँग स्वराजको भेट, एक्लै सोल्टी पुगे प्रचण्ड
भारतसँग घनिष्ठतापूर्वक काम गर्ने एमाले अध्यक्ष ओलीको प्रतिबद्धता, आज स्वराजले देउवा भेट्ने
कामचलाउ सरकारले गरेका सबै काम मान्य नहुने, कर्मचारी अवकाश दिने निर्णय पनि ढुकुटी रित्याउने खेल भएको आरोप
ओली र प्रचण्डबीच भेटवार्ता, आईतबारको कार्यदल बैठकका एजेण्डाका बारेमा छलफल
प्रदेश प्रमुखको शपथ आज हुँदै, राष्ट्रपतिले सपथग्रहण गराउने