महिला फुटबल लिगको उपाधि एपिएफलाई, प्रहरी बन्यो उपविजेता

राष्ट्रिय खेलकुद परिषद् (राखेप) अन्तर्गत सोह्रौँ राष्ट्रिय महिला फुटबल च्याम्पियनसिपको उपाधि विभागीय टोली सशस्त्र प्रहरीको एपिएफ क्लबले जितेको छ । एपिएफको जीतमा सावित्रा भण्डारीले दुई गोल गरिन् । सावित्रीले १७ औँ र ७५औँ मिनेटमा दुई तथा सरु लिम्बूले १९ औँ मिनेटमा एक गोल गरे । चौँतीसौँ मिनेटमा पुलिसकी नीरु थापाले गोल गरेकी थिइन् । सुपर लिगमा सबै तीन खेल जित्दै एपिएफ ९ अंक जोडेर च्याम्पियन बनेको हो ।
एपिएफले सोमबार आर्मी र मंगलबार सुदूरपश्चिमललाई जितेको थियो । यस्तै सुपर लिगमा दुई खेल जितेको आर्मी दोस्रो तथा एक खेल जितेको पुलिस तेस्रो भए । सुदूरपश्चिमले भने सुपर लिगमा कुनै खेल जित्न सकेन । समूह चरणमा एपिएफले पश्चिमाञ्चल, मध्यपश्चिमाञ्चल र आर्मीलाई पराजित गरेको थियो । च्याम्पियन एपिएफले रु दुई लाख ट्रपी र पदक, उपविजेता आर्मीले रु एक लाख तथा तेस्रो पुलिसले रु ५० हजार प्राप्त गरे । प्रतियोगिताअन्तर्गत एपिएफकी एन्जिल तुम्बापो उत्कृष्ट गोलरक्षक, सावित्रा उत्कृष्ट फरवार्ड तथा जनक सिंह उत्कृष्ट प्रशिक्षक घोषित भए । यस्तै आर्मीका अञ्जली वाइबा उत्कृष्ट डिफेण्डर तथा दीपा राई उत्कृष्ट मिडफिल्डर चुनिए । व्यक्तिगततर्फ उत्कृष्ट हुनेले जनही रु २५ हजार प्राप्त गरे । विजेता तथा उपविजेता टोलीलाई युवा तथा खेलकुदमन्त्री राजेन्द्रकुमार केसी, एन्फा अध्यक्ष नरेन्द्र श्रेष्ठलगायतले पुरस्कार वितरण गर्नुभएको थियो । यही पुस १६ गतेदेखि शुरु भएको प्रतियोगितामा पाँच विकास क्षेत्र तथा विभागीय गरी आठ टोलीको सहभागिता थियो ।

(Visited 7 times, 1 visits today)

सम्बन्धित समाचारहरू

महिला फुटबल लिगको उपाधि एपिएफलाई, प्रहरी बन्यो उपविजेता
रोयल राईनोज क्रिकेट क्लबको न्याभ कप क्रिकेट उपाधि उचाल्ने अठोट
एक दिवसीय नेत्रहीन क्रिकेटमा पाकिस्तानसँग नेपाल पराजित !
आर्सनलका प्रशिक्षकमाथि प्रतिबन्ध, ४० हजार पाउण्ड स्ट्रर्लिङ जरिवाना
सुमार्गीको कम्पनीले नेपालको भलिबलमा गर्यो ठूलो लगानी, भलिबल संघलाई ४० लाख
तेह्रौ न्याभ कप क्रिकेट यो आईतबारबाट, ९ टिम सहभागी हुँदै
पोखरामा अन्तर्राष्ट्रियस्तरको फुटबल रंगशाला बनाउन पुरानो प्यारापिट भत्काउन शुरु
नेपालको प्रिमियर क्रिकेट लिगमा खेल्न अष्ट्रेलियाबाट सुनाम गौतम जाँदै
फुटबलमा भयो सुधार, फिफा वारियतामा नेपाल छ स्थान माथि
एएफसी एसियन कप छनोट फुटबलः नेपाल र फिलिपिन्स भिड्ने