नेपालमा गैरकानूनी रुपमा काम गर्ने अष्ट्रेलियन नागरिक पक्राउ, अनुसन्धान हुँदै

नेपालमा पर्यटक भिसामा गई गैरकानूनी रुपले काम गरिरहेको अवस्थामा एक अष्ट्रेलियन नागरिकलाई पक्राउ गरिएको छ । यसरी पक्राउ पर्नेमा ३९ वर्षीय सारा केम्प रहेकी छिन् । उनी सिड्नीमा चिकित्सकको रुपमा काम गर्दै आएकी थिइन् । नेपालमा घुम्न गएको बेला उनले अवैधानिक रुपमा एक नर्सिङ होममा काम गरेकी थिइन् । उनकोमा बिरामीहरु जाँच गराउन आउने गरेको र उनले त्यस वापत ५ हजार रुपैयाँ समेत लिने गरेकी थिइन् । एक पटक जाँच गरेको उनको रेट नै यति थियो । नेपालीहरुको उपचारभन्दा काठमाडौं ट्राभल मेडिसिन क्लिनिकमा विदेशी र कुटनीतिक नियोगका अधिकारीहरु उपचार गराउन आउने गरेका थिए । उक्त क्लिनिकका निर्देशकको धन्दा नै विदेशबाट आएका चिकित्सकहरुलाई काम गर्न दिने र उनीहरुलाई त्यस वापत घण्टाको हिसाबमा पैसा तिर्ने थियो । र, यहाँ देखाउनेहरु पनि विदेशीहरु नै रहेका थिए । केही समय अघि नेपालमा प्रहरीले गरेको अपरेशनका क्रममा १७ जना विदेशी पक्राउ परेका थिए । यी १७ विदेशीमध्ये एक अष्ट्रेलियन नागरिक पनि परेका कारण यतिबेला काठमाडौंस्थित अष्ट्रेलियन दूतावासले उनलाई कानूनी सहायता उपलब्ध गराइरहेको जनाएको छ । नेपालको सीबीआईका निर्देशक पुस्कर कार्कीले नेपालको अध्यागमन सम्बन्धी कानूनको उल्लंघन गरेको आरोपमा निजहरुलाई कारवाही अघि बढाइएको छ । उनीहरुलाई केही समयको जेल सजाय समेत हुन सक्नेछ भने देश निकाला गर्ने त पक्कापक्की नै छ । अर्कोपटक भिसा लिनका लागि पनि उनीहरुलाई समस्या हुनसक्छ । मेडिकल प्राक्टिसको सबालमा भने उनीहरुलाई दोषी ठहर गरिएको अवस्थामा तीनवर्षसम्मको जेल सजाय हुने व्यवस्था छ ।

(Visited 2,877 times, 1 visits today)

सम्बन्धित समाचारहरू

कर्मचारीसँग यौन सम्बन्ध खुलेपछि अष्ट्रेलियाका उपप्रधानमन्त्रीले दिए राजीनामा !
पर्यटन बोर्डका निरौलालाई सात र दासलाई छ वर्ष कैद, विशेष अदालतबाट भ्रष्टाचारी ठहर
राष्ट्रपति निर्वाचनको तालिका सार्वजनिक, फागुन २९ गते देशले नयाँ राष्ट्रपति पाउने
न्याभ कप क्रिकेटको उपाधि रोयल राइनोजलाई, मल्टिकल्चरल क्रिकेट अप्रिल १४ अप्रिलबाट हुने
प्रहरीको अर्को ईन्काउन्टर, मनोज पुन र सोम आले प्रहरी कारवाहीमा मारिए !
देउवालाई झट्का, राष्ट्रियसभा सदस्यमा खतिवडा, बिंडारी र पौडेल मनोनित
अधिवेशनसम्म ओली नेतृत्वमा सरकार, दुबै अध्यक्ष रहने प्रचण्डको भनाई !
कोकले नेपालबाट ४० जनालाई विश्वकप फुटबल हेर्न रसिया लैजाने, जाने हो ?
नक्कली भिसा भेटिएपछि विदेश जान ठीक्क परेका १० युवती रोकिए, अनुसन्धान हुँदै
एमालेका वरिष्ठ नेता माधव नेपालले भने पार्टी एकीकरण एक साताभित्र