नयाँ वर्ष २०१८ को शुभकामना साट्दै नेपालको चुनावमा विजयी बनेको खुशीयाली मनाए सिड्नीका एमाले निकट प्रवासीहरुले

नेकपा एमालेको प्रवासी संगठन प्रवासी नेपाली मञ्चमा आबद्ध सदस्यहरु, उक्त संगठनका पदाधिकारी, शुभेच्छुक र समर्थकले नयाँ वर्षको शुभकामना र नेपालको चुनावमा एमाले विजयी भएको अवसरमा खुशीयाली साटासाट गरेका छन् ।  प्रवासी नेपाली मञ्च न्यूसाउथवेल्सको आयोजनामा स्थानीय कार्सपार्कमा गत शनिबार आयोजना गरिएको कार्यक्रममा सहभागीहरुले एक आपसमा शुभकामना साटासाट गरेका थिए । उक्त अवसरमा बोल्ने अधिकांशले नेपालको निर्वाचनमा वाम गठबन्धनले प्राप्त गरेको मतले स्थीर सरकार प्राप्त हुने अपेक्षा आफुहरुले गरेको बताएका थिए । प्रवासी नेपाली मञ्च न्यूसाउथवेल्सका अध्यक्ष लक्ष्मण श्रेष्ठको सभापतित्वमा सम्पन्न भएको उक्त कार्यक्रममा संस्थाका सल्लाहकार डा. जगदिश तिमल्सिना, एनआरएन ओसेनिया क्षेत्रीय संयोजक धर्मराज अधिकारी, ध्रुव सुवेदी र एनआरएन अष्ट्रेलियाका सचिव देव गुरुंगले नेपाललाई विकासको माध्यमबाट सम्बृद्धि चाहिएको भन्दै जनमत त्यसैका लागि प्रकट भएको बताउनुभएको थियो । संगठनका उपाध्यक्ष केशव जोशीको प्रमुख आतिथ्यमा सम्पन्न कार्यक्रममा लेनिन पौडेलले स्वागत मन्तव्य राखेका थिए भने श्याम पौडेलले कार्यक्रम आयोजना गर्नुको उद्देश्य प्रष्ट्याएका थिए । यस्तै सचिव कृष्ण सापकोटाले कार्यक्रम सञ्चालन गरेका थिए । कार्यक्रममा बोल्ने अधिकांश वक्ताले ईश्वी सम्वतको २०१८ सालले सबैलाई खुशी ल्याओस्, प्रवासमा रहेका नेपालीबीच एकता प्रगाढ बनोस् भन्ने शुभकामना दिएका थिए । कार्यक्रममा संगठनका सदस्यहरुका साथै अन्य विभिन्न सामूदायिक संस्थाका प्रतिनिधि पनि सहभागी बनेका थिए ।

(Visited 107 times, 1 visits today)

सम्बन्धित समाचारहरू

अष्ट्रेलियामा पहिलोपटक सामूहिक ब्रतबन्ध हुँदै, सहभागी हुन आह्वान
अष्ट्रेलियामा भिसा लिएर आएका विद्यार्थी र तिनका एजेन्टसहित दुई करोड व्यक्तिहरुको अडिट गर्ने तयारी
गोरखा समाज अष्ट्रेलियाको दोस्रो बार्षिक साधारण सभाबाट त्रिलोचन पोखरेल नेतृत्वको नयाँ कार्यसमितिको चयन
नेपाली विद्यार्थी अनसुना महर्जनको मुटुमा देखियो समस्या, आर्थिक सहयोगको अपील
नयाँ वर्ष २०१८ को शुभकामना साट्दै नेपालको चुनावमा विजयी बनेको खुशीयाली मनाए सिड्नीका एमाले निकट प्रवासीहरुले
सिड्नीमा आईतबार ७९ वर्षयताको सबैभन्दा तातो दिन मापन, पेनिरिथमा तापक्रम ४७ दशमलब ३ डिग्री
सिड्नीमा समुद्री प्लेन दुर्घटनामा पाईलटसहित ६ जनाको मृत्यु भएको छ
अष्ट्रेलियाका प्रधानमन्त्री टर्नबुललाई २ सय ५० जरिवाना
एक्सपर्टको अन्तर्राष्ट्रिय विस्तार, भारत, हङकङमा खुल्यो अफ्रिकासम्मको योजना 
हजारौंको सहभागितामा मेलबर्न सप्ताह सकियो, एघार लाख डलर सहयोग जुट्यो