एक लाखका लागि रुपन्देहीका व्यवसायीको गोली हानी हत्या गर्ने गुरुङ पक्राउ

रुपन्देहीको देवदहका व्यवसायी वसन्त पौडेल बलु को हत्याका मुख्य अभियुक्तलाई प्रहरीले आज पक्राउ गरेको छ । अभियुक्तले एक लाख रुपैयाँको लोभमा आफुले गोली हानी हत्या गरेको स्वीकार गरेका छन् ।
प्रहरी कारबाहीमा मारिएका मनोज पुनको योजनामा व्यवसायी पौडेललाई गत पुस २१ गते आफ्नै काठ उद्योगमा बसिरहेका बेला मोटरसाइकलमा आएका व्यक्तिले गोली प्रहार गरी हत्या गरेका थिए । प्रहरीले व्यापारी पौडेल हत्याका मुख्य अभियुक्त सुभाष गुरुङलाई पक्राउ गरी पत्रकार सम्मेलनमार्फत सार्वजनिक गरेको छ । प्रहरीका अनुसार लमजुङ बाङ्ग्रे गाउँपालिका–५ घर भई पोखरा–लेखनाथ उपमहानगरपालिका–१० रामबजार बस्दै आएका अभियुक्त गुरुङलाई पोखराबाटै पक्राउ गरिएको रुपन्देहीका प्रहरी उपरीक्षक श्यामलाल ज्ञवालीले जानकारी दिनुभयो ।
हत्याका मुख्य योजनाकार पुनको निर्देशनमा गुरुङले आफ्नै फर्निचर उद्योगमा आगो तापेर बसिरहेका बेला पौडेलको गोली हानी हत्या गरेका थिए । हत्याका अभियुक्तमध्ये पदम चौधरी र महेन्द्र भनिने महीनारायण चौधरीलाई यसअघि नै प्रहरीले पक्राउ गरी कर्तव्य ज्यान मुद्दा दायर गरेको र उनी हाल अदालतको आदेशमा पुर्पक्षका लागि कारागार चलान भइसकेका छन् । यस्तै पौडेल हत्यालगायत विभिन्न आपराधिक घटनाका मुख्य योजनाकार पुन र उनका मुख्य सहयोगी सोमबहादुर आलेको गत फागुन ९ गते प्रहरीसँगको भिडन्तमा मृत्यु भइसकेको छ । पत्रकार सम्मेलनमा प्रहरी उपरीक्षक ज्ञवालीले पौडेल हत्यामा संलग्न मुख्य अभियुक्त सबै पक्राउ परिसकेको जानकारी दिँदै मुख्य योजनाकार पुनले आधुनिक सञ्चार प्रविधिको प्रयोग गरी गुरुङलाई आपराधिक कार्य गराउन निर्देशन दिने गरेको अनुसन्धानमा देखिएको बताउनुभयो ।

(Visited 9 times, 1 visits today)

सम्बन्धित समाचारहरू

सिड्नीमा शैक्षिक परामर्शदाताहरुको मेला सम्पन्न, कामदेखि स्वास्थ्य र अध्यागमन नीतिसम्मको जानकारी
सुन तस्करी र हत्या प्रकरणमा प्रहरीका पूर्व डीआईजी निरौला पक्राउ
“एकता हुन रोक्नुपर्ने कुरा छैन, एकता रोक्नुपर्ने कारण र तर्क केही पनि छैन, एकता निकट भविष्यमा हुन्छ ।”
बाघको आक्रमणबाटै बाघ मृत, दुई महिनामा चार बाघ मरे
एकताको सन्देश संयुक्त रुपमा दिन सम्बोधन गर्दै प्रधानमन्त्री र प्रचण्ड, केही विषय टुंगो लगाउन बाँकी
दीपक मनाङे पक्राउ, ज्यान मारेको अभियोगमा ५ वर्ष जेलमा बस्नुपर्ने
सरकारले सम्पत्ति छानविन गर्ने बताएपछि बस व्यवसायीले निकाले एकै दिन तीन करोड
एमाले वरिष्ठ नेता माधव नेपालले भने, अब दुई पार्टीको एकीकरण कसैले चाहेर पनि टर्दैन
एकीकरणपछि चुनाव चिन्हका विषयमा टुंगो नलागेको प्रचण्डको तर्क, छलफल जारी
युटीएसमा नेपाली विद्यार्थी तान्याले गरिन् सिभिल ईन्जिनियरिंगमा क्लास टप
English